Elî Zeydî 9 berpirsên payebilind ên li Cerf Sexir ji kar dûr xistin

Piştî nakokî û aloziyên li Cerf Sexir a parêzgeha Babilê, der barê dizîna petrolê de ji aliyê hin kes û komên çekdar ve, Serokwezîrê Îraqê Elî Zeydî biryara cezakirin û dûrxistina wan berpirsan derxist.
Kesên ku ji kar hatine dûr xistin evin:
Fermandarê Polîsê Babilê.
Rêveberê Polîsê bakurê parêzgehê.
Rêveberê Îstixbarat û Dij-Terora parêzgehê.
Fermandarê Heşda Şebî li Babilê û hin berpirsên din ên payebilind li wê navçeyê.
Lêkolînan dizî û qaçaxçîtiya petrolê li Cerf Sexir piştrast kirin
Sebah Nûman dibêje, Elî Zeydî ji hemû fermandarên dezgehên ewlehî yên li parêzgehan re ragihandiye ku ew berpirs in ji qewimîna her bûyera dizîn û qaçaxçîtiya petrolê li sînorê desthilata wan.
Li gorî raporeke Dezgeha Îstixbarata Îraqê, bandeke qaçaxçîtî û dizîna petrolê bi piştgiriya kes û hêzên çekdar ên li navçeya Cerf Sexir ji sala 2021’ê heta 2026’an ve boriyên sereke yên petrolê qul kirine û berhem dizîne.
Şêwirmendê Wezîrê Elektrîkê ya Îraqê hat girtin
Desteya Destpakiyê ya Îraqê jî ragihand ku bi tawana "dewlemendbûna ne yasayî" 10 sal cezayê girtîgehê û vegerandina 37 milyar dînar li Şêwirmendê Wezîrê Elektrîkê yê karûbarên veguhestin û dabeşkirinê hate sepandin.
Hizbullaha Îraqê: Em ê dest ji Cerf Sexr û çekên xwe bernadin
Li aliyekî din Katîbeya Hizbullah ya Îraqê rexneyên tund li hikûmetê kir û got ku rapora derbarê qaçaxçitiya petrolê li herêma Curf Sexr de hatibû weşandin, agahiyên şaş têde hene.
Her wiha Hizbullah tekez kir ku çiqas zext li ser were, ew dest ji Curf-Sexr û çekên xwe berna din.




