Li bajarê Qamişlo Koşka Edaletê hat vekirin

Vê sibehê bi amdebûna berpirsên çend saziyên Hikûmeta Sûriyê, di serî de Dozgerê Giştî yê Parêzgeha Hesekê Xazî Şêx Îbrahîm, deriyê Koşka Edaletê hat vekirin.
Êdî ev saziya girêdayê Wezareta Dadê bi awayekî fermî li Qamişlo dest bi karê xwe dike.
Ev gav jî di çarçoveya pêvajoya entegrasyonê û peymana 29`ê Çileyê de tê avêtin, ku dê tevahiya saziyên dadweriyê li Rojavayê Kurdistanê bibin saziyên fermî da ku bê pirsgirêk xizmeta xelkê herêmê bê kirin.




